(امي)
امي يا نبع الحنان
يا دفئ ياوطن كله أمان
امي ياخير صاحب في الشده
امي يا كل سري
وشايله همي ووجعي من اول السكه
لو كتبت بدموع عنيا
مش هوفي سهرك وخوفك عليا
يا حته مني بدعي ربنا يرحمك يا نور عنيا
لما قالولي راحت 
راحت الفرحه مني 
والهم من يومها ساكني
راحت ضحكتها الحلوه 
وهي بتصحيني 
قوم يا ضنايا يا نور عيني
شارد حزين ولله يتيم من 
غيرك يا امي.
أها والف أها والقلب محروق
ﻻ دواء نافع وﻻ طبيب 
يداوي المجروح
دي اﻻم مدرسه 
ومدرستي غلقت ابوابها
سكن بيتي الهم والحزن ملي جدرانها
حصص الحنان خلصت 
وانتهئ الفرح يا ساده.
محمد بنداري