(مجلة كل الخواطر) دعوة المظلوم _ للشاعر المبدع / هشام عوض محمد

دعوة مظلوم 
---------------
-------------------------
متبصليش شكلي كده 
أنا كنت يوم فيه زيكم 
الصحه عال والحال رضا
ولامد إيد ولاعطفكم 
-
لكن في ناس حاسده الفقير 
لو حتي بسمه فـ وشنا 
رغم إن عنده الخير كتير 
لكن يبص فـ رزقنا 
-
نشفت خلاص والخير وضاع 
حتى اللي كان أخدوه كمان 
حتى اللي عنده خلاص وباع 
مش راح يكفّي يكون ضمان 
-
نيجي نقول إلحق وشوف 
يطلع يقول ومنين مفيش 
والحاشيه تاخد بالألوف 
أما احنا نلبس توبنا خيش 
-
حتى الغموس أو لقمه حاف
راحت كمان طب نعمل إيه 
وعلى الرصيف والليل لحاف 
أصبح دا بيتنا وعيشنا فيه 
-
البرد ياكل فينا راء 
والجوع يكمل همنا
نتمنى يوم يجي الفراق 
الموت دا رحمه تلمنا 
-
يارب دعوه ونفسي أقول 
اللي ظلمنا يعود عليه 
واللى جرالي فـ يوم ينول 
وتعود عمايله ترد ليه 
-----------------------
-----------------------------------
بقلمي ..... هشام عوض محمد 
الجمعه ..... 20 - 02 - 2015 م
-----------------------------------