(مجلة كل الخواطر) إحنا جنودك _ للشاعر المبدع / عبدالله السايح

.........(إحنا جنودك)...........
إحنا جنودك نحمي حدودك
يعني أسودك
وقت الفصل
إحنا وكل الناس تعرفنا
والخوف عمره مايجي يشوفنا
رجاله وعلى قدظروفنا
بنحبك ياحبيبتي يامصر
إن كان ع الحرب إحنا حاربنا
من دم عدونا وشربنا
إرهابكم صعب هيرهبنا
هنحارب ونجيب النصر
يابلادي يامذكوره فى ديننا
طول عمرك وانت بتديلنا
والخير جاي لنا فى نيلنا
على أرضك من عشه لقصر
طول عمرك أم وللدنيا
وحضاره ما غابتش فى ثانيه
ماهو إنت اﻷم المثاليه
فى المسجد هنصلي العصر
ونشيلك فى قلوبنا ياغاليه
وهنفضل بالروح العاليه
وعدوك هنجيب له الكافيه
وهنعلن فى كنستك نصر
يامحمد ويامينا تعالو
إيد واحده فى بلدنا تشيلو
أفراح والرب هندعيلو
ياخدنا من نصر لنصر
ياعلمنا رفرف من فوقنا
متعلق ديما فى عروقنا
بنشيلك ونحس بشوقنا
والعزه ديما من مصر
يابلادي هرويكي بدمي
يا ابويه ويا أمي وعمي
على أرضك ديما بنسمي
وتدين مالهوش فينا حصر
..........(شعر)..........
...... عبدالله السايح