(مجلة كل الخواطر ) لحظة حب _ بقلم الشاعرة الراقية / عزة أحمد

لحظة حب 

............
لحظه مريت بيها
لا حسيت بدقايقها
ولا بثوانيها
حسيت بالعالم قلب كبير
بيدق بقوة
مش قادر ع التعبير
قام قال غنوة
و الغنوه مسافره
فى القطر المطلوب
قطر كبير مليان قلوب
بتتمايل مع الغنوه
قلوب م الحب بتدوب
جالها الحب على سهوه
نسيت اعمارها و ظروفها
و رافضه تسلم نفسها لخوفها
سابت روحها للتيار
يدور بيها ف كل مدار
مش عايزه الوقت يعدى
ولا عايزه القطر يهدى
قلوب فرحانه و سعيده
بدأت حياة جديده
و انا اقنعت نفسى
ان كل الطرق اتسدت
فى وشى ووشه
مش فاضل بس
غير طريقه لقلبى
و طريقى لقلبه
و عشت اللحظه بكل ما فيها
بكل دقايقها و ثوانيها
.......................
عزة احمد