(مجلة كل الخواطر) دين إيه _ بقلم الشاعر الراقي/ عبدالله السايح

........(دين إيه)..........
دين إيه.............
اللي سارح دم فيه
دم طاهر بنلاقيه
يروي بحر الخير ماليه
من شباب الله حاميه
راح يقلب أكل عيشه
فى المكان اللي يلاقيه
ناس ومش ﻻقيين يعيشوا
نفسي أعرف عملوا إيه
إيه ذنوبهم لو ينوبهم
دبح من كل سفيه
قلبه منه واﻻ`فيه
دين إيه يا دواعش إنتوا فيه
إنتوا كفره إنتوا فجره
إنتوا مش باقيين عليه
واحنا باسم الله أكبر
راح نصرخ راح نكبر
بانتقام ما تقولش فيه
هو دم واﻻ ميه
اللي سال بنخاف عليه
دبح بارد دم شارد
قتل والوحشيه فيه
دين إيه اللي بتنادوا عليه
دين أبرأ مني فيكو
ربي يوم هيلاقيكو
وبإيدينا الدورعليكو
والحساب الله عليه
ربي أعلم وحده بيه
........(شعر).......
عبدالله السايح