(مجلة كل الخواطر) أتكلمي _ للشاعر المبدع / عبد الله السايح

........(إتكلمي)..........
اقعدي واتكلمي 
ياتفهميني ياتفهمي
أوبين شفايفك ارسمي
فرحانة أوتتألمي
جواك إيه ماتقدمي
أو اسألي الحب فين
جواك أو تاه فى السنين
أو لسه حتى يادوب جنين
أو مات وبه تتكفني
ارحمي و اترحمي
وبﻻش حياة من غير غرام
حياه ومات منها الكﻻم
نصحى فى صمت أوننام
راح فين بقى كل الهيام
توب الهدوء لبساه تمام
وبه يادوب تتبسمي
الشمس غضبت واختفت منها الحياه
والبحر جف وميته تاهت معاه
والصبرمصلوب ع الجباه
مات اﻷمل
والا` اﻷمل جوانه تاه
قولي بكﻻمك علمي
لولسه باقي م الحنان
أولسه فى الحب مثام
تدخل بهابعض السهام
قبل مايجينا المﻻم
أوقبل حتى ماتندمي
اقعدي واتكلمي
واسألي عن بحرالشوق
عايش هنا أومات مخنوق
نفسي من تاني أدوق
نفسي يجري بين شطوطه بكل ذوق
نفسي نغسل فيه همومنا عشان نفوق
من تاني أحلم وحلمي إنت تكملي
وبﻻش بصمتك تهدمي
كل الحياة وتكممي
كل الشفاه وتسممي
كل الكلام لو تحسمي
.......(شعر).........
عبدالله السايح