(مجلة كل الخواطر) 1000 وعـد _ للشاعر المبدع / تامر النقيب

1000 وعــــــد 
بقلم تامر النقيب
****************
بعد حب كبير مابينا
وكان مابينا 1000 وعد
تتهمنى بإنى خاين
وإ نى خنت معاها عهد
وإنى عاشق حد تانى
وهى عارفه إنى ما بعشقش حد
غيرها بس
وياريتها والله تحس
كل حاجه عامله زعله
بدون مناسبه
واللى مابينا تهد
علشان بحبك وإنتي عارفه
حبى ليكي تهددينى بانسحابك
كل مرة بتسيبينى
وبرضو بتحمل غيابك
وأما كنتى بتجرحينى
كنت بتحمل عذابك
عرفينى إني مش فارق معاكى
وإني صفحه من كتابك
وان في بديل مكانى
وأى واحد سهل يسكن يوم كيانك
إسمعى
زى ما إنتى بتقوليلى
الكرامه والاحترام
زى ما هقولك براحتك
قلبى مش عاوز غرام
هتسبينى راح أسيبك
عاوزة نبقى صحاب لأ إنسى 
منفعش أكون أنا غير حبيبك
أما لو عاوزة تروحى
وتاخدى روحى إنتي حره 
بس وحياتك حبيبتي
هتخسرينى
وشوفى مين يدفع حسابك
عرفينى إني مش فارق معاكي
وإنى صفحه من كتابك
هو إيه الحب عندك
إنى لو أغلط تقولى مش هشوفك
وإني عنك أكون بعيد
وإنى ما ألمس كفوفك
حب ايه اللى بأوامر
عوزانى بس في كل حاجه
كلامى حاضر
دة أنا كنت بتمنى رضاكي
وأخاف لزعلك
وعمرى ما كنت بكابر
بس لما أكون بحبك
وإنتى عاوزه تكسرينى 
وأما أنا أخاف عليكي
وإنتي قاعدة بتبعينى 
يبقى سهل إنى أبيعك
وهتندمى لو تخسرينى
أيوه مخلص في هواكي
وكنت عاوزك
ربنا بينك وبينى
إنتي فاكره حد عنى يعوضك
فين تلاقى زى عشقى صدقينى
مهما كان اللى يحبك
مش يحبك قد حبى 
كنت واهبلك حياتى
وكل حلمى أكون معاكى
وكنتى أشواقى وحنيني
إنتى بعتينى وخلاص
اوعى تنسى ده إختيارك 
وإنتي خدتى فيه قرارك
تبعدى عنى ياعينى
المهم إنى عارف
كل كلمه من كلامك
كله كدب لما قولتى حبتينى
اللى يوم يعرف يحب
قلبه بيسامح حبيبه
ولما أغلط تسمعينى
مش أقول غلطان وأسف
تبعدى عنى تسبينى
أيوة انا لسه بحبك
ولسه عاوزك ترجعيلى
أما لو خلاص عاندتى
يبقى إنتى بتخسرينى
ولو رجعتى مره تانيه
وقولتى أسفه مش هقابلك صدقينى
,,,,, تــــــامر النقـــــــــــــــيب ,,,,,