(مجلة كل الخواطر) صوت الحنين --- بقلم المبدعة الرائعه أ \ عزة وهيب

صوت الحنين.....
ــــــــــــــــــــــــــــــــــ
بتعب كتير
وانا بسمع صوت ام كلثوم 
او اصالة 

صوت الحنين جوايا بيصرخ 
اللى بيحصلى استحالة 
صوت الشجن والاحساس بالامان
مع اغنية جميلة كنا بنسمعها زمان 
الف ليلة وانت عمرى
وصوت العود ورِقة الكمان
راحت كل لحظاتى الجميلة 
راحت ومش فاضلى 
غير دقة الساعات
صوتها هو اللى باقيلى 
واستنى واقول
امتى تقف دقاتى 
وتنتهى حياتى 
واودع نهارى وليلى 
واضحك فى وش الزمن 
انى بكل حزنى هجرتك
وهو بكل قسوة يقولى 
مبحبش حد الا انت 
لاء يا زمن 
مش هستنى كتير 
وهدعى ربنا 
يخفف المى 
وحزنى الكبير 
واسيب ساعاتى 
تودع حياتى 
ــــــــــــــــــــــــــــ
عزة وهيب ...