(مجلة كل الخواطر ) احكي يا أمه وقولي مالك _ بقلم الشاعر الراقي/ على مصطفى

احكي يا أمه وقولي مالك :-

==============
احكي يا أمه وقولي مالك
ليه يا غالية شايلة هم
ليه دموعك سايلة دايماً
ليه جبينك طايله غم
ليه نهارك مش نهارك
ليه سمارك لونه دم
عارفه يا ابنى !!
الهم صابنى!!
وقلبي مليان بالجراح
ع اللى حاصل واللى بحصل
واللى راح
نفسي كنت ألمْ ولدى
وحضني ليه يبقى البراح
ابن بطني للأسف
أنا مش حملته من سفاح
كنت قتْلاني الأذية
م اللى حاصل
حتى روح أسأل بهية
كنت صابرة ومسْتِحيه
أدْعى ربى
بروح مسامحة متْقية
يهدى حالهم
ويسامحهم
كنت بوجودهم قوية
لكن الوضع اللى ظاهر
أنهم مش دم طاهر
واللى بحصل فعل فاجر
مش ولادى
أنا أبنى ماهر
مش حانوتي للمقابر
ولا ع الأحزان يعافر
كل يوم يقتل أخوه
واللى بيعارض أبوه
واللى بص
وهو بقتل أو شافوه
تانى يوم راحوا يحرقوه
ومن وحاشة قلبهم
بيصوروه
وينشروه
ونسخة من إجرام قلوبهم
للأعادي يبعتوه
لأجل ما يخوف
أخوه ويرعبوه
دول ولادى ؟؟؟
لا ولا دول أعادى
فعلهم مش فعل عادى
لو ولادى
كان حنين زى أخوه
كان يضحى بكل غالي
عشان أبوه
كان بروحه يبقى فادى
ويبقى جنبه ع الأعادي
مش يلاعبه حادي بادي
ويفرح الإجرام بتاعه
الخوارج والأعادي
وحب دمه لأنه سادى
شفت ليه الهم جاني
شفت أيه غير زماني
شفت ليه تاهت أماني
لسه راح تسألني تانى
ابنى يا ابنى
همُّه صابنى
وهو سهمه اللى جاني
ولهمومي هو جاني
بس قلبي قلب أم
تجمع الأولاد تلم
تنصب الأفراح عشانهم
تحمل الأحزان بدالهم
ترضى بالفرح اللى يبعد
عن قلوبهم أي هم
تقتل الألم اللى يتعب
أو يعذب أي أم
بقلمي ،،
على مصطفى ،،،
7 /2015/2 م