يامــــعـــــاذ ....
...................................
إتقدّم يامُعاذ .....
إتقدّم ... مرفوع الراس ،
وشامخ ...
إتقدّم يابطل ...
في زمن البطوله اللي شايخ
إتقدّم يافارس
في زمن .....
ماتت فيه الفرسان
ماتت فيه النخوة ،
ورخص فيه الإنسان
مُش انت ...
اللّي حَرَقِتك النار
النار ...
حرقِت نور النهار
حرقِت ... كل الأحرار ،
وكل الأبرار ....،
وكل كلمة حق ...
في طريقها للإحتضار
النار ... ما كانِتْش ...
ليك منصوبه
النار ...
كانت زيّنا مغصوبة ،
زي قلوبنا اللّي معصوبه
وحرقت آخر حرف فاضل ....
من حروف العروبه ،
وحرقِت ...
كل قلوب البشر ...
المصلوبه ... المنهوبه ...
حرقِت ...
شمس النهار
حرقِت ...
صوت القرار
حرقِت ...
كل هزيمه ، وكل انتصار
وخَلقِت ..
لكل عربي ، وكل مسلم
ألف خيبه ، وألف عار
يامعاذ ...
اللّي حصل لك ...
ده شئ عظيم
مُش دا اللّي حصل زمان ...
لسيّدنا ( ابراهيم ) ؟
بس هوّه ناره كانت ...
بَرد وسلام ،
وانت البطوله بانت ..
عليك ياهُمام
يامعاذ ...
اللّي اتحرق فينا المهانه ،
والجبن ، وكل أنواع الخيانه
وبإيدينا إحنا ...
بنتحرِق ،
وداعش ...
دا جَهلِنا اللّي اتخَلَق
ودا عقلِنا اللّي اتفلق
يامعاذ ...
سيرتك في قلوبنا ...
علامه
من علامات القيامه
ل حد م تصحَى فينا ...
عقول نايمه ..
ومتغطّيه ( تحت العِمامه ) !!!!
.............................
الشاعر / رفعت ابو العلا
