يرضي مين
يرضي مين انك تبيح دم اللى منك
يرضي مين تقتل اخوك ابن عمك
اللى كان واقف ف ضهرك
اللى حامي كل ارضك
اللى لولآ وجوده كانت
الكلاب نهشت ف عرضك
يرضي مين
يرضي مين الله يجازيك
دم اخوك لسه ف إيديك
قولي ايه راح يفيدك
هو ده اللى قالو دينك
ليه تخالف ضميرك
راح تقول ايه لربك
يرضي مين
ما افتكرتش انه مصرى
وانت بتدوس ع الزناد
آآآه يا قلبك كبدى يا بنى
رحمتك رب العباد
اصرخي يا مصر ابكي
إلبسى توب الحداد
إعلنى غضبك وثوري
هاتي حق بنى اللى مات
انفضي الغبار من توبك
انفضيه بره ارضك
يرضي مين انك تبيح
دم اللى منك
يرضي مين تقتل
اخوك بن عمك
طارق شامخ عبد الجواد
