(مجلة كل الخواطر) رميت زهر _ للشاعره الرائعة / وفاء غريب

رميت زهر

ياتيجي شيش بيش
يا دو يك
رميا توديني لفرحي
يتجبني بجرحي
وأهي رميت زهر
طول عمري
وأنا عايشة في قهر
زمن طويل اليوم فيه بدهر
حظي نيلة بخميرة مبتخمرش
وعيش مبيطلعش
وغلبان مش لاقي حبة قمح
وطبور طويل
في كل حاجة مابيخلص
يابلدي إمتى هلاقي فيك حقي
طب هسيبك وروح فين
مفيش غيرك وسلع ما بترخص
بس نفسي أعرف ليك حبيب
تديلو يوم وتخديش
منه العزيز على القلب
منا عارفة حظي نيلة
وخميرة مبتخمرش
وعيش ما بيشبعش
فقير وكومة عيال مبتسكتش
وبأء مفتوحة ومتتقفلش
أصل الجوع كافر
في بلد ضاع فيها الحق
حق مين حد عارف
إيده الشمال من إيده اليمين
ساقية وديرة
واحنا نفوس حيرة
مبين القمة والهدمة
وستر العورة
وعجبي
وفاء غريب