حبيبتى لما تدلل تدوبنى
يقول قلبى بصوت عالى
حرام عليك ما تتعبنى
بكل حنان ورقه وشوق
تقــــــول أصبر
بسرعــــه تمشى تتمايـــل وتتغندر
عليـــها قوام كعود البان
خطير يسحر
وكيف منها انا أرتاح
خدود والله كما التفاح
وعطر أيديها ياخـــرابى
كما العنبر
ولو أزعل منها أشكيلها
بتفردلى ضفايرها
ولما أقرا قصايدها وخواطرها
تقوم ادامى تتمخطر
ولما تغيير بتتعصب
عليا والله تتمــــرد
وأجرى أبوس شفايفها
تقول سكر
حبيبتى عنـــــها ما أستغنى
ولو جابو نساء الدنيا دول أجمع
أنا معـــاها عرفت الحب إيه معناه
ولا من حبى وياهـــا أنا بشبع
ولو تضحك أشوف سعادة الدنيا
دى بحالها
واحزمها وترقصلى وتدلع
شفايفها نبيذ صافى
بيسكرنى ويسحرنى
وأحضنها بتتنهد بصوت مكسوف
يدوب بالعافيه أنا بسمع
همست بودنها بحبك
وبتمنى أعيش جمبك
وجيت المسها وأحضنها
قالت أرجع
فضلت احايلها واداديها
وأكلمها عشان تسمع
راحت خجلانه من صوتى
ومن فرحتها عين تدمع
وشوفت بياضها زى الشمس
لكن هيا كمان أبدع
فضلت أغنى ألحانى
وأقول هتحس بغرامى
لكن هى ولا بتميل
ولا تخضع
حضنت إيديا بإديها
فضلت أبص لعنيها
وضمتنى بحب وشوق
لقتنى بحضنها أمتع
بدأت المس شفايفها
وأحس بشوقها ونفسها
وجيت أسألها مين انتى
وجيتى منين
لقتنى صحيت
وراح حلمى وكنتى حزين
رجعت أنام
عشان يمكن تيجى تانى
حلمت يدوب بأشواقى وأشجانى
ومن يومها الوجع أوجع
بقيت عاشق أنا للنوم
وبستناها تيجى فى يوم
بنام والله بأشوقى
ومن نومى أقوم مهموم
ومن يومها بتوحشنى
وبستناها فى حلمى تانى ترجع
