مجلة كل الخواطر \ عمر الحب ما فيه أعذار\ بقلم المميز حسـن الشـوان .

..................... عمر الحب ما فيه أعذار......................
في نفس المــــكان إتقابلنا
وفي نفس المكان إختلافنا
وفي نفس المكان إتكلمــنا
والدمع سال علي شفايفنا
حاول المكان يوفق بنا حاول
وكل واحد فينا بارضوا حاول
والإستغراب الحب مجمعنا
قاعد وسطـينا بيســـمعنا
ولكن مفيش حد عايز يتنازل
وتعددت النقاط وطال الحوار
والتفكير بالسكات والإصرار
وبالرغــم من روح التواصل
و داخلنا الغرام متواصل
لكن حروف العند بقلوبنا
وندية الكلام في اسـلوبنا
وفجأه بلا توقع أوإنــــذار
الشموع بكت علي الحائل
والدموع سالت امـــطـار
و نظرات العيون بالتفائل
وعمر الحب ما فيه أعذار
رفضت كل العيون تتقابل
من شدة الكلام والتفاعل
مش أول مره نتسامر
مش أول مرة نتحــاور
بس أول مرة نختلف ونتجادل
والحيرة يكون لها ألف عامل
من المحاورة تعبنا
وقررنا نأخد هدنه
لغاية ما الأمور تهدا
ونرجع تاني لنفس المكان
نحاول من تاني بالمهاوده
وما نغفلش عن الحرمان
اللي عايزمن بعض يحرمنا
والأمل باقي لغاية ما يريحنا
............................. حسـن الشـوان ........... موثقة......