(مجلة كل الخواطر) مين دق على بابك _ بقلم الشاعر الراقي/ محمود بكر

مين دق علي بابك واداك رغيف ناشف

ياللي انت من عيشتك خلاص بقيت خايف
فوق الرصيف ماتنام ماانت فقير هايف
البرد ياكل فيك لكن انت ماتكولشي
أن قطعو يوم رجليك لازم ماتزعلشي
هما الكبار ياابني لكن انت ماتطولشي
وان قتلو حلمك فيك أخرس وماتقولشي
هوا أنت ليه بتنسي انك مالكش حقوق
وانك مابين الناس عايش عشان مخلوق
وانك فقير تنداس ماتقولش اه ماتفوق
لابد تفضل تحت ماتكونشي ابدا فوق
ياعسكري ياغلبان اقف انتباه وخلاص
ماتهشش الدبان واملا السلاح ده رصاص
اصمد علي حدودك لجل ان تحميني
وافرد ياواد عودك وبروحك افديني
واياك تفكر يوم انك واحد ماالناس
ايه يعني لما تموت هانقول شهيد وطنه
والكل هايحبك وهايشيلوك ع الراس
زيك كتير راحو ولا حد فاكرهم
ماالشعب اصله كتير بكره نجيب غيرهم
والاهل ليهم رب هوا يصبرهم
ايه يعني راح كم جندي او لقيو مصرعهم
والباقي جم شايلين جثث علي دراعهم
بكره نلملهم كم الف يفديهم ومعاش يدلعهم
وفسح تنسيهم وتداوي اواجاعهم
====كلمات محمود بكر====