(مجلة كل الخواطر) الله أكبر _ للشاعر المبدع / حمدي صالح

 ( الله اكبر )

طول ما شمسنا بتشرق
الامل موجود
والليل لو طال فله اخر
و الفجر هينور مع قرآن مشهود
الله اكبر
يغني الطير ويكبر
الله اكبر
وقطر الندي علي خد الورود بيّسبح 
الله اكبر
والورد بيفّـتّح
الله اكبر
الله اكبر
الفجر جاي بنوره طالع
وفيك ياليل كان كل المواجع 
الله اكبر عليك
الله اكبر
علي رصاص الغدر
مضروب في الظهر
من انفاقه وجحوره
كان نفسي اكون فيك 
منديل يكفكف دمع امي
او عكاز لاب اتحني م الحزن 
علي ابنه..... كان شادد به عوده
كان نفسي اكون بسمة علي وش ابن اخويا البطل اللي
علي كتف امه ....سابه وليد 
وما جاش
تركه يتيم
مات وهو عن عرينه وشرفنا يزود
والا اختي اللي علي شِبلها إترملت 
حابسة حزنها زئير يزلزل ليلها
و القلب بركان... ناره قايدة جواها 
مالها حدود
نارها ما تطفيش 
الا لما يشب الشبل عن طوقه
وف ملامحه تشوف اسدها 
وتهديه فدا للوطن 
وبطاهر دمه ......كريم شجاع
زي ابوه وبروحه يجود
الله اكبر علي كل ظالم 
الله اكبر علي كل خاين
ازاي يتساوي جرذان الجحر
مع اشبال من صلب أسود
( حمدي صالح )