(مجلة كل الخواطر) شهداء الفيروز _ للشاعر المبدع / حسن الشوان

 ............ شهداء الفــــــيروز ........... 
لحد إمتي كل يوم والتاني ولادنا تمـوت
لحد إمتي ح نعـــــيش كلنا في سكوت
ناكل ونشرب رعب وخوف
وندفن بالحيـــــا في الكهوف
لا لينا حركة و لا بركة ولا صوت
فين الصراحة والأمانه مش بالكلام
ولحد إمتي بنتقتل ويقولوا كله تمام
ولادنا أغلي من أي كنوز مش رخاص
في أرض الفيروز علي حدودها حراس
مفيش أغلــــي منهم لا دهب ولا مـــاس
الأم مستنيه إبنهــا يرجــع لها تشوفـــة
تاخدوا في حضنها بلـــهفة وإخـلاص
تطبطب عليه وتأكلة أكلة تمري جوفه
وتدعيله وتتمناله الستر والأمــــــان
طيب لما يرجع لها مقتول بالرصاص
من غادر كافر فاقد الإحساس
لا بني أدم ولا كمـــان حيوان
دمك سال مني وانت حته منـــي
واللي قتلك قتلني ومنك حرمني
الشهيد مننـا ومن دمـنا مهــما كان
وحقة مش حيروح مهما مر زمان
ملعون أي قاتل بيقتل إنسان 
ملعون أي قاتـل سافل جبان
عمر المصري ما يقتل أخوة
العيش والملح والأصالة في جسمهم
الله اكبر علي اللي قتـــــلوه
وإن شا ء الله حنعرفهم كلهم
وربنا كرم البني أدمين وحرم دمهم
مصر مش ح تركع إلا لله 
مهما كانت الفتنه والطغاه
مصر مقـــبره لكل الغــزاه
لكن للأسف البني أدم بقي شيــطان
لغي عقلة وما فكرش ايه جري لهامان
أفيقوا يا بشر إنتبهوا غضب الرحمن
السما ح تطبق علي الارض
وكلنا ح نبــــقي ذي بعـــض
ويوم الحساب ميعرفش الجاه
ويعلي الأذان في كل مكان
وتنتفض الأجساد خضوع لله
ويشفع الشهيد لأهله في أمان
ومين في دماغة نهاية الحياه
................................. حسـن الشـوان............ موثقة.............