جارى التحميل
استخدم زر ESC أو رجوع للعودة
تعبت من الآه
تعبت من الآه والآهـــة تعبت مني
يامصـــر وجعك آه ف القلب والنني
خايف أقــــول آه ماحدش يفتكرني
وأكون أقل واحد والواحـــد يتهمني
بصرخ بعلو صوتي ومين حايفهمني
الوطن عمري كله طب ليه يعذبني
عشانه إديته عمري وبرضو بيلعني
تاهت مني الحروف والعقـل مجنني
مصـر الكنـــانة ياناس يارب ترحمني
وييجي دواك يداوي كل اللي مزعلني
ونشوفك يامصر لابسة فستانك وتلي
وتبقي أجمل أميـــــــرة وتقربي مني
أصلي بحبك مـــوت وبصلي لك تمللي
وتقلعي الســـــــواد وتضحكي وتتهني
كفاية كده آحــــــــزااان واللا أيه يعني
نفسي أحضنك مـــــوت وتغيري ظني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلم: محمد فتحي عبد الغني
،،،،،،،،،،،،،،،،
