(مجلة كل الخواطر) _ كلمة من شاب حر _ للشاعر الرائع / عمرو كندوز

(كلمة_ من _شاب _حر)

كلمة من شاب حر
خايف ندوق المر 
ويضيع حلم السنيين 
ونعيش متفرقين 
إصحي ياشعب وفوق
اللي حاميها لوحده فوق
الحريه ف صدق ضمير 
الحرية ف عمل الخير
طب هاخد إيه وأنا رايح أقابله
غير أعمالي
ومين ينفعني وقت مقابله 
ووقت سؤالي
ومين يحاسبني غيره لوحده 
علي أفعالي
مش مشكلتي حركة وحزب
أنا مشلكتي حياتنا
الوقتي كذب ف كذب
مش مشكلتي جيش وحكومة
أنا مشكلتي ناس مدعومة 
عايزة خراب عايزة دمار 
عاوزة بلادنا تعيش ف النار 
مبقتش عارف مين معايا 
ومين عليا 
مبقتش خايف م العذاب 
أو م الأسية 
إن كنتي يا ثورة بجد ثورة 
هفضل معاكي للنهاية 
وان كنتي يا ثورة
كدبة وفوضي 
يبقي كفاية دمار 
وكفاية ضحايا 
أنا صوتي مش ميدان 
ولا كلمة مكتوبة ع الحيطان 
فين الأمان يا بلد الأمان 
أنا صوتي هو ضميري 
وضميري ديما صاحي
عاشق وبحب بلدي 
وحبي ليها سلاحي 
حبي ليها حكايتي 
لأن الموت مصيري ونهايتي 
كفاية علينا يا أحزاب 
كفاية دمار كفاية خراب
بقول لكل حزب فين حق الوطن 
عايشين ف خداع وكدب 
مبقاش يفرق وطن 
هي السلطة والمصالح 
أهم من أرض الكنانة
الكل فيكي يا دينا رايح 
عشتنا ليه غدر وخيانة 
إحنا ليه متفرقين 
إحنا ليه متشـتـتين
منعيش بقلب واحد ونكون 
ف حب مصر بجد مخلصين
أنا مش خايف إلا عليها 
بتمني بروحي بدمي أفديها 
يقدر حد مني بجد
يآخد روحي غير مولاها 
اللي لوحده ليه الروح
اللي لوحده حامي بلدنا
وبينصرها وبيرعاها 
وقت ميؤمر يآخد مني
كل حياتي وكل الروح 
بس كفاية أموت 
وأنا شايف نصر بلادي
أصل الدنيا كل الدنيا 
ف يوم هتروح 
يبقي هخاف من إنسان
وأنا إنسان
بقلمي \عمرو كندوز