(مجلة كل الخواطر) ولاد المرة / بقلم الشاعر محمد فتحي عبد الغني

ولاد المرة؟
،،،،،،،،،،،،،،
ف الضلمة طلت علينا
وجوه مضلمة
بالكدب غموا عنينا
ورجعونا لورا
وأفلام بيرعبونا
وكسوتنا العرى
جيوبنا لعنت أبونا
وحياتنا مدحدرة
نبكي ويحنسونا
حاتعيشوا ف مفخرة
والفقر كره الصابونة
والليفة المكورة
عملونا عبيد ونخاسة
ودبايح ف مجزرة
والالف فينا ببلاش
مرايتنا متكسرة
نبص نشوف صورهم
وصورنا متبخرة
مراية صنعها الجن
واللا ولاد المرة
،،،،،،،،،،،،،،،،،،،،
زجل: محمد فتحي عبد الغني
تاريخ النشر: 26/1/2015