الشاعرة سلطانة
الشاعرة : سلطانة. العلمي
مُشْ أي هو وهي
هو:
والله القلب يحب يا بت
نفسي تكوني أحسن ست
تِسكُني قصر ، تصحي العصر
بس الحالة زفت ف زفت
لو عالنِّجم أرسِمْ هولك
والقمر وهلوّنهولكْ
والفلوس ما فيش يا بت
ماهي العيشة زفت ف زفت
بس القلب ليكي ينط
تيجي نضرب عرفي نْكُتْ
تِبقي القطة وانا القط
لا تقوليلي بيت ولا قوضة
ترضي بس بالموجودة
ساعة تحت وساعة تحت
ماهي العيشة زفت ف زفت
ولّا تحبّي ابن البيه
او ممثل تركي ايه !
ماهو الفرح نسينا ليه
نبقى نروح نصيع عالنت
ننسى الواقع جوة مواقع
دا الفراغ ذابحني يا بت
اصل العيشة زفت ف زفت
لو عاللقمة ما تخافيش
بطعم الحبّ نغمّس عيش
ولّا بروحي ما تنسيش
افحت صخر اذا مافيش
ابكي بدمّي ولا تبكيش
والله القلب يحب يابت
لولا العيشة زفت ف زفت
هي:
حبيت واحد يا سلام
حرّيف يلعب بالكلام
بيِمَلِكْني الشمس ف ثانية
ويلونلي القمر كمان
بيقولي أرسملك نجم
ويعيِّشني جوّة حلم
والله انت لذيذ يا واد
بتمسكني وهم ف وهم
حتفطرني مية عذبة
وتغديني أحلى كذبة
والتصبيرة حب ف لقمة
وتعشيني قصة صعبة
وبقى قطة كمان يا عم
تبقى عيشة آخر غم
بس بحبك يا بن العم
