(مجلة كل الخواطر) محبو بتــي - بقلم الشاعر القدير / حمدي القرشي

.....( محبو بتــي ) !! ............
.
.
فيها ( رخامه ) بحبها ,, ( وسماجه ) عمري ماشوفتها ,, وبحبَّها !!
..
مافيهاش جديد , ولاشيء مفيد .......... وتقيله حتى في وزنها
..
فيها رخامه ماتتوصفش ................. ورزاله عمري ما شوفتها
..
سمجه صحيح , ولسان طويل ............ والقلب ينبض باسمها !!
..
حبيتها من بين البشر ....................... ووهبت عمري لحبها
..
وحشاني ديما في الغياب , أو في اللقا .... والقلب يسعد جنبها
..
ما اعرفش ليه خدني الحنين ............. ورأيت كياني في قربها
..
طعمه قوي , ولذيه موت ...................... وبموت أنا في دمها
..
بشتاق لبسمه انا شوفتها.. وشفاه بيشلع منها نور .. لون خدَّها
..
ورحيق لذيذ , طعم العسل ............ وحلاوه عمري ما دوقتها !!
..
باسهر أناجي ربنا , وفي كل يوم , اني أكون بيها جدير..........
..
واسعدها واسعد قلبها
..
..
/ حمدي القرشي