جارى التحميل
استخدم زر ESC أو رجوع للعودة
في قانون الحب
محمودإبراهيم
ــــــــــــــــــــــــــــــــــ
مش كلام يتقال وحروف
ولينا قصة وسط ألوف
والبصلة تبقي خروف
في قانون الحب
الفراق فيه نصيب
والحلاوة في التعذيب
والضرب أكل زبيب
في قانون الحب
علي أيه تعترض
ومفيش رصيد وتقترض
والعلاج أسوأمن المرض
في قانون الحب
تجري وسط أسود
ورا العيون السود
تتوه متعرف تعود
في قانون الحب
خد وهات
غير التضحيات
مفيهوش لو كان وإن
ولا فرق سن
في قانون الحب
مفيش حجز أماكن
ولا قولة كنا ولكن
حبيبك جواك ساكن
في قانون الحب
تنصف مظلوم ده واجبك
تعطي محروم بحبك
حبيبك غدر عود لربك
في قانون الحب
طريق واخترناه
فيه الغيرة وفيه الأه
في قانون الحب
ساعة ودايرة علي ستين
وأنت علي المينا مع الحلوين
دي مش عقرب واحدة دول عقربين
في قانون الحب
الدنيا لوترية
يوم ليك ويوم ليا
وياما تحملنا أسيه
في قانون الحب
شلال أمل يغرقني
وخيل بقدمه يسحقني
شباب وأنا محني
في قانون الحب
أشل من الفرحة
لما أشوف الفستان والطرحة
تكلمني وهي سارحة في قانون الحب كلمات /محمود ابراهيم
