(مجلة كل الخواطر ) عِلم الكلام - بقلم الشاعر الرائع / اسلام يا سين

"عِلم الكلام"

اوقات
يكون الكلام مليان سكات
وساعات بيبقى الكلام كله حكايات
اصل الكلام مخلوق ورق
م الامنيات
تلقى كلام معجون بطين
شكله بيبانلك حزين
وكثير كلام من غير كلام
واضح ومكتوب ع الجبين
وساعات كلام بيشق صدر المجروحين
وكلام ماليه الرضا
ويتنه فرحان بالسنين
عِلم الكلام له الف لون
تلقى كلام معمى بعيون
وعيون بتنطق وتقول كلام موزون
وكلام يبان تسبيح
والاصل فيه ملعون
وكلام يتوه ف اللقا
وكلام مليه الشقا
وكلام اصيل بيخون
يلى هويتو الكلام
السر ف الاحلام
والكلمه صبحت كون
مجنون بكرر كلام
طول ما الكلام مفهوم
فى ناس تِغير م الكلام
وتبات وشايله هموم
وناس بتكتب كلام
حراء عديم اللون
والدنيا ايه غير كلام
مليان هسس وشجون
يلى منعتوا الكلام
مريم ماهيش هتصوم
صوتنا الى واصل كلام
بالحس كان مرهون
والحس باع الكلام
ف ميدان فسيح مجنون
ومدام وجعكوا الكلام
سيبوا الكلام مدفون
ومتوجعوش الكلام
لحسن حروفه تقوم
تشطب بواقى الكلام
وتقول كلام مسموم
ف المهد بيبقى الكلام
مدارى مش مضمون
ومدام كلام ف كلام
مدوا السطور بالكوم
احسن مايبقى الكلام
وسط الكلام مكلوم

خواطر اسلام ياسين