(مجله كل الخواطر ) جواك حاجات - بقلم المبدعه / لمياء حمدى

جواك حاجات ...
*****************
جواك حاجات
مش عارف تقولها
احساس بصرخة
محتارة بطولها
مشروخة ومكتومة
في الفضا تصرخ
صرخة مقسومة
بين صوتك
وصوت الصدى
وبينك وبين الفضا
عِشرة بكبر المدى
بوح صريح بيطلع
للي بيفهم واللي بيسمع
هي الحيرة قسمتك
ولا انت اللي عاملها
وانت محبوس
بينك وبين حيرتك
في قفص قزاز
منقوش عليه سيرتك
وسمعتك وعيلتك
واسامي ناس مرسومة
وصورهم في المدى معصومة
ودايرة حيرتك مقفولة عليك
مش عارف تطلع منك غير ليك
تحبس قصص .. وتكتم سكات
ترسم بشمعة مطفية امل كداب
وتنحت اسمك .. تفتكر العذاب
فترجع تدوّر
على يوم زماااااااااااان فات
تقرا سطوره بين الحنين والاهات
و تعيش عمرك على ذكريات
تكتبها في سطرين في مذكرات
ويفضل برضه جواك حاجات
مش عارف تقولها.
.
.
لمياء حمدي