كلمه بالعاميه بعنوان شهر الملاحم و البطولات
رمضان يا ذكرى الملاحم والبطولات
وجنود بهمه بتتزاحم على التضحيات
مع الخطرتتلاحم وتسيب المجد ايات
بواسل غيرو فى القواعد والنظريات
لابقى مدى صواريخ ولا وزن دانات
ولاخطوط حصينه اوسرعة طيارات
والعالم حاول يفهم ملاقاش تفسيرات
غير ان مصر اكبر من كل التحديات
----------------------------------
اصل عزيمة النصر كانت موجوده
وقيمه عظيمه لوحده وطنيه معهوده
والقلوب متماسكه ولبعض مشدوده
و الادين متشابكه و لبعض ممدوده
بايمان ان الله عنده الانفاس معدوده
واحسان وجرجس وعباس و جوده
هدفهم واحد مش سكة فرقه مسدوده
هدف نزع الفجر من اليالى السوده
---------------------------------
ودمهم اللى اختلط سوى فى الميدان
كتب ملحمه اسطوريه لكل الازمان
قال مصر ياحب متربع فى الوجدان
يا شمس امجاد ساطعه على البلدان
ولادك فى كل اوان و فى كل عصر
على عهدنا ليكى لا بديل الا النصر
نموت طوعا و تعيشى حره يامصر
بقلمى يوسف ونيس مجلع
