فاكر ايام زمان 
بقلم : محمد عمران 
فاكر ولا ناسى
ناسى ولا فاكر 
أيام الهوى
واللعب فى التراب
كان جنب الحيطان
وكلام كنا نقوله 
مانعرف معنته
ونروح وسط الرمال
ونرسم بعضنا
عريس وعروسة قال 
واحنا لوحدنا
ونحس بالغرام
والشوق لبعضنا
وكنا صحيح صغار
والفرحة تلمنا
نلعب فى الحوارى
ونشد بعضنا
ولما زمنا خدنا 
وكبرنا كلنا
على طول ياناس بقينا 
بنحب لوحدنا
وكلام فى كلام نقوله 
بيخش قلبنا
والحب ال مابينا
عشناة له زمان
يكبر قدام عنينا
ومخلاناش ننام
فاكر ولا ناسى
يا حبيبى ايام زمان
ناسى ولا فاكر
وسايق فى الدلال
الغربة فرقتنا 
ساعت ماسبنا بيتنا
وانقلنا فى حى تانى 
وانا دايب بالغرام 
جامعة وجمعتنا 
واتقبلنا تانى
وعاد بينا الحنان
فاكر يا حبيبى
فاكر ايام زمان
كنت بتفرح لفرحى
وداوى ليا جرحى
بالشوق وتنادينى 
وتقول أحلى الكلام
والحب كان مبينا 
مش كلمة والسلام 
فاكر يا حبيبى 
فاكر ولانسى 
فاكر كل ال كان 
فاكر لما كنا 
فية ميعاد ما بينا
ونقول أجمل كلام 
باكى عليك يا قلبى
يالى سابوك حبايبى 
من غير كلمة وداع
بقلم: محمد صبحى عمران