ثمار التشدد
اه من المتشددين ومنك ياسى عبد الجبار
فصلت الجنسين من وهما لساهم صغار
كبرو عن بعض تايهين بعيد عن المسار
لبعض مش فاهمين كانهم الغاز واسرار
------------------------------------ 
هو شايفها المجهول الغريب الاطوار
وهيه شايفاه الغول فى غابة الاخطار
نفوس من بره سويه و من جوه دمار
قنابل زمنيه بتستعجل لحظة الانفجار
----------------------------------- 
عزاب وشرود فى اليل بعيد عن الانظار
وغياب عن الوجود حتى فى عز النهار
وانت حسستهم بالزنب و خوفتهم بالنار
ونسيتهم ان ربنا الحب مش بس القهار
----------------------------------- 
خلق الاكوان مربوطه بقوانين واقدار
وكل مجره مضبوطه بالدقه فى مدار
وساب ادم وحوا بكامل حرية الاختيار
امتى بقى هاتعرف ياستاذ عبد الجبار
افضل وسيله- لتعليم الفضيله- الاقناع مش الاجبار
بقلمى يوسف ونيس مجلع