...((فين الحروف))...
***************
نظرة واحدة من عنيكِ
ضيعت منى الحروف
ملكتى القلب باديكِ
وامتلكنى خوف
والكلام داخل عنيكِ
جيت اقرب نفسى اشوف
كل كلمة اتقالت عليكِ
مش شايفها ......
من جمالهم .....
ضاعت من الحروف
فين الحروف
*****************
قلت اقرب من عنيكِ
خفت اموت فيها غريق
الابتسامة من شفايفك
شجعتنى ......
قلت اشوف اخر الطريق
حتى لو هاموت غريق
بس اشوف......
اى كلمة او حروف
قربت عينى من عنيكِ
ضاعت من عينى الحروف
من جمالهم .....
من السحر اللى فيكِ
عينى قالت مش بشوف
فين الحروف
******************
الجفون غطت عنيكِ
لما ماقدرتش اشوف
كلمة واحدة من عنيكِ
لكن اللى قدرت اشوفه
الاشتياق من لمسة ايديكِ
رغم ضاعت منى الحروف
الا انى قريت كلام
احلى حب واجمل هيام
من غير ما اشوف
حرف واحد من الحروف
اللى فى عنيكِ
بس ضاعت منى الحروف
فين الحروف
************************
صلاح البرماوى
