مريم النقادي الشاعرة مريومه
قلبى رافض 
_________
كنت بتعيد اللى فات 
واللى اصبح ذكريات 
كنت بتسمينى حبيبتك 
رغم حبك خد وهات
كنت احاول أقولك أيوه
بس قلبى مش بيهوى 
حبك ملمسش قلبى 
وانت بتفتكرها قسوه
كنت رايح جاى تاخدنى 
توصف الاشواق لحضنى 
وأما أرفض قلب عاشق
تقول عيونِك بتواعدنى
كنت ومازلت قلبك أنا 
عشق متسّجل دندنه
بس قلبك ليه يعانى 
قلبى رافض من سنه
أيوه حبيتنى قلبى عارف
كان كمان حب جارف 
بس أنا مقدرش أجارى 
قلبى كان لسه خايف
م البدايه قلبى رافض
امتى كان جناحه خافض
صوته عالى للحب لأ
وانت قلبك قلب نابض
باقى تآمن بالنصيب 
وإن أنا مش الحبيب
لسه فيه قلب تانى 
بالمحبه منك قريب
رباعيات مريومه