الله خلقني بنت ناس وحموله .. قدري تعلا بالثريا مكانه
ماهمني هرجة قفا او مقوله .. او عاذل يحب أصول الخيانه
ولاهمني قرع الحكي أو طبوله .. مادام نبض القلب صدق وأمانه
ياللي تجاهر بالخطا وبسهوله .. ماخفت من ذنب يخالط إهانه
ذل تجيبه كل لحظه عجوله .. لا ابوه لا ابو كل نفس جبانه
يابنت ياللي ينقال عنك خجوله .. بينك وبين الكل صارت ميانه
هذا حبيبك أوصديق الطفوله .. وهذاك ولد الجار كنتي وزانه
ليتك بقيتي لغز صعب حلوله .. او ليت ليتك شي دونه حصانه
وياهيه ياللي تفتخر بالرجوله .. وينك ووين المرجله والرزانه
الطيب اللي كل درب يجوله .. يترك وراه الطيب في كل خانه
وطبع الردي يبقى ولا شي يزوله .. بالعقل عاهه وان تثقف لسانه
واللي قريب كل ايد تطوله .. يرخص بعين الكل ويقل شانه
وانا ترى مانيب بنت زعوله .. ازعل على اللي ماينومس زمانه
ازعل على اللي في حياته بطوله .. راعي علوم افتخر فيها عشانه
شيخ كريم ولد ناس وحموله .. مثلي تعلا بالثريا مكاااااانه