احلى الامانى
قلبى ظنونه وخدانى خايف منك عليه
يقول احلى الامانى اوهام بتتسلى بيه
كل غزل الاغانى فى غناكى مش ليه
لايوم كنتى فكرانى او يوم حسيتى بيه
---------------------------------- 
حتى فى صفى زمانى لما كان يقابلنى بيكى
لاحسيتى فيض حنانى او شوق سابقنى ليكى
ولا بزلزال كيانى لو عينى جات فى عنيكى
ولا برعشة وجدانى- لو ايديه لمست اديكى
وحنين كاوى احضانى هايرمى نفسه عليكى
و روحى كده نسيانى فى عطرك حواليكى
واحاسيس مفرحانى بترقص على خطاويكى
---------------------------------------- 
يجى قلبى ينبهنى تانى من العجب اللى فيكى
يصحينى من تواهانى وانا مسحور بناجيكى
اقول اجرب عصيانى واهرب من اراضيكى
فى بحر مفيهوش امانى ولا سكه لمراسيكى
القا مشاعرى خينانى وناسيه الدنيا وسيبانى
وهايمه فى جنة امانى بيلاغيها ضى عنيكى
بقلمى يوسف ونيس مجلع