بطلنا نحلم لنموت !!
_____________
والحلم الطارح فى عنينا
مقتول فى الكف
وكتبنا امبارح بايدينا
من غير ولا حرف
واليوم احزانه تنادينا
واقفين لنا صف
وبكره مافى بكره لينا
للمرة الألف
..
..
والحلم النابت فى قلوبنا
محبوس على طول
امبارح مر من خوفنا
من غير ما يقول
واليوم لوعدى يموتنا
لو ليله يطول
وبكره قتلوه قصادنا
وحلمه مقتول .........
والحلم بيحلم فى خيالنا
و بيلاعب شوقنا
نتمنى نحقق أمالنا
ونداوى جروحنا
بندُور بيه على أيامنا
ونعدى خوفنا
نلاقيه مدبوح على بابنا
وتمنه ف سكوتنا
2/8/2012