جارى التحميل
استخدم زر ESC أو رجوع للعودة
عِشرة سنين
---------------
أنا لسه برضه بحبها
رغم اللي راح من عمرنا
وحريص حريص على ودها
والحب لسه فـ قلبنا
-
عاشت سنين وانا جنبها
ولاعمر يوم قالت خلاص
ولاعمري يوم زعلــــتها
كانت ياقوت والقلب ماس
-
شعلة نشاط علشان أكون
مبسوط معاها فـ عشنا
زي الملاك طبعك حنون
مهما يكون الحال ضنا
-
ولاجتني يوم قالت حرام
نفسي أعيش زي اللي كان
كل اللي عاش بينا احترام
ولافينا حد لحد خان
-
عشرة سنين زي الساعات
مرت علينا بفضلها
بدعيلها ربي الأمنيات
واتمنى اموت من قبلها
-------------------------
-
----------------------------------
بقلمي .... هشام عوض محمد
