الاغلبيه فى انواع البشر
مصرى واعى وراسه لسه على كتافه
اغلبيه و القيم هى مبادئه و اعرافه
الحريه و المدنيه شكله و اوصافه
احمس وسعد وناصر هما اسلافه
----------------------------------
ونوع ياخوفى لا يكون انقرض
او يكون حلف انه تانى ما يتولد
كله نخوى و شهامه عتره وابن بلد
للضعيف ناصر و للمظلوم سند
فى الشده تلقاه مثال للصبر والجلد
--------------------------------
و نوع الخيانه فى طباعه اصيله
و فى مبادئه الغايه تبرر الوسيله
يلوى الحقيقه بالف حيله و حيله
فى خداعه اعجب من الف ليله وليله
----------------------------------
و نوع ارجو انه يكون اختفى
فى الجهل لغايه شوشته انكفى
يتباع بالرخيص و بشوية هفى
وعمره ما حس للكرامه والعزه بدفى
علموه ضرب الشلوت اكرم من القفى
و ياما اكرموه و عمره ما اكتفى
خلينا فى الاولانى – يطلع الشمس تانى – ان وعد وفى
بقلمى يوسف ونيس مجلع
