( عتــــاب مــن زوج )
بقلم : حازم سعيد ( أبو عبدالله )
فـي حُزنـي وهمِّـي مـش بلاقيكـي
وإنـت أقـرب مـن نـن العيـن
لمّـَا همّـِي أشوفـوا فيكـي
يبقـى فرحـي هيجـي منيـن
لمَّـا تخبِّـي مِنِّـي إيديكـي
يبقـى ازاي بنقـول نصيـن
فَكـرَا ياغاليـه عهـدي معاكـي
علـى حلـوه ومـره نعيـش راضييـن
بعـد ماعـدَّا العُمـر معاكـي
جايـه تقولـي مـش عاجبيـن
هروبـي ديمـاً منِّـك ليكـي
وإنـتِ هروبـك هجـر سنيـن
فكَّـرِي لحظـة فيَّـا وفيكـي
بعِنـدِك ده وخدانـا لفيـن
وبـلاش عِنـدِك يعمـي عينيكـي
عـنْ ود وعشـره بقـى لهـا سنيـن
كلمـه وقالهـا نبينـا ليكـي
كُُفـر العِشـرة يـوَدِّي لفيـن ؟
وحُسـن العِشـرة مِنِّـي وبيكـي
هنعيـش جنّـَة دُنيـا وديـن
إطـرحي فـرح بالله عليكـي
ده هُمّـَا يوميـن وكُلنـا ماشييـن
بقلم : حازم سعيد ( أبو عبدالله )