ابن مصر
يافرحة قلبي ياحبيبتي
وانا شايفاكي منصورة
وصقرك ف العلا واقف
وكل الخلق مبهورة
وشوفته وهو بيحارب
ذئاب الظلم مش هارب
ولا همه في يوم يرحل
ده داق نيلك وله شارب
وشوفته لما جمَّعهم
ووعَّاهم وسمَّعهم
ونادي فيهم اتحدوا
علي الارهاب لَيخدعهم
بصدره صد كل البوم
وخلي المستحيل معدوم
وعلَّي رايتك الطاهرة
وخلي الكل ليكي يقوم
ماهمه اي كلمة زيف
وحط للاصول تعريف
وعدي صعاب زرعوهاله
ده هو ابنك ماهواش ضيف
الشاعرة ميرفت حموده
