مجلة سهر اليالي *** ظلمتينى *** بقلم الشاعر / حسن السحماوي ..

لما أنت عارفه

أن دا أخرك معايا

ليه .. ظلمتينى ؟

حلمة الحلم .. صدقته ..

وعشت معاه فى تكوينى

أتارى الحلم .. بايعنى

خلاص يعنى .. خدعتينى ..!

بقيتى محال ..

دا حلمك كان على عينى

ليالى التوهه فى الترحال

بتخطفنى دموع عينى

بعادك هز أوتارى ..

وقف دمى فى شرايينى

صبح حلمك يغيب عنى

ولا عاتشى .. ودا أكمنى ..

تسهرنى دموع عينى ..

وأول سطر فى حروفك

أمل غايب فى تكوينى

خلاص بعتى ..

نهاية حلمنا الدافى ..

حاتنسينى .. !!

ونار الفرقه ... تكوينى .!

ورغم التوهه فى بعادك ..

حاكون عايش

لايوم أبكى ..

ولا حتى فى يوم .. اشكى ..!!

ولامرة حاقولك .. يوم .. ظلمينى ..!!

شعر ..

حسن السحماوي ..

7 / 3 / 2015