((مسامحك))
****************
بلاش نجيب سيرة اللي فات
حاجه وخلصت من زمان
أوقات بيبقى حلو السكات
عن كلام طعمه أحزان
ولسه ليك جوايا مكان
وانا مايخلصني جرحك
**********
وقولتلك يا حبيبي مسامحك
واللي راح كإنه ماكان
بلاش اشوف حزن في ملامحك
كفايه احس إنك ندمان
************
انا قلبي ماهوش قاسي
ودايما ليك جواه حنيه
للجرح بقيت ناسي
أول ما شوفتك جاي عليا
انت برضه نور عينيا
وانا يهمني فرحك
**************
وقولتلك يا حبيبي مسامحك
واللي راح كإنه ماكان
بلاش اشوف حزن في ملامحك
كفايه احس إنك ندمان
***********
كلمات / محمد السعيد
