قصيدة المؤتمر الاقتصادى المصرى
====================
دى مصر جنة واحلى اراضى وكنوزها ثروة وتاريخ وماضى
وعشان عيونها كادوا الاعادى وعملوا تجمع واقتصادى
مارد وطالع من قمقم وخيره لغيره لو ممكن
وجذوره راسخة وقوية صاحب حضارة ازلية
بفضل جيشه وشعبه كمان على طول منارة وخير وسلام
فى حضنها تنسى الدنيا واكيد حتبقى اد الدنيا
تاكل وتشرب بالعربى وفى قلبها الوطن العربى
والله زمان ياعرب امجاد تزيدوا قوة بالاتحاد
ودموعها تشهد بالعرفان بفضل دعم من العربان
ورجعوها بالذكريات لحروب خاضوها بإنتصارات
لما منعتوا البترول عن الاعادى وهزمتوا الكون
بفضل وحدة وعربية وارادة واحدة وعربية
وفى مؤتمر اقتصادى وحدتوا كله فى ايادى
مش بس وحدة اقتصادية فرحة بوحدة عربية
سعودية وكويت مع الامارات اردن سودان وكل القارات
دى مصر اخت وام حنون تفيض محبة لكل الكون
تمرض وتأخد برضه دواء وتشفى يعنى مع كل دعاء
وفيها يعنى كده بحرين احمر وابيض يملوا العين
ومربوطين ده من الجهتين بقناة عظيمة وفيها شاطئين
وصحارى مليانة بالثروات معادن وبترول واقتصاديات
وثروة عظيمة سكانية عايزة موارد طبيعية
تستنى بس فى شرارة تعمل بقوة جبارة
بفضل القيادة السياسية واخلاص وحب ووطنية
يا ناس تفائلوا دى بشرة خير وزعيم وطنا يجازيه بالخير
وهى صرخة كده بالمصرى بنهضة دايمة واكيد حصرى .
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون