رباعيات الأحزان•كلمات الصدق•فارس الليل الحزين

رباعيات الاحزان (( ليه بتلوموني ))
( للحزن في قلبي مكان )

ليه بتلوموني انا في ايديه ايه .......

ولسه بتسألوني انا حبتها ليه ........

حبتها في كل وضع في كل شكل في كل لون

حبتها مصر أمي وحضنها الدافئ الحنون

حبتها في كل أزمة في كل محنة في كل ضيقه

حبتها في كل ثوره في كل لحظات الحقيقه

حبتها في كل لحظه وكل ثانيه وكل يوم

حبتها مهما تأسي مستحيل اعتب وألوم

حبيت فيها الجراح ... .. ... حبيت فيها السماح

حبيت فيها المساجد والكنائس والبيوت

حبيت فيها الشوارع والزحام صمت السكوت

حبيت فيها اللي ضايع واللي خايف والجبان

حبيت فيها اللي راضي واللي صابر على الزمان

حبيت فيها شقايا وفقري فيها وغربتي

حبيت عرقي اللي يروي كل خطوه في سكتي

حبيت فيها الصمود ... .. ... حبيت فيها الحدود

كلمات الصدق
فارس الليل الحزين
محمد عطيه محمد