اوعى يكون هيألك عقلك
انى بقيت محروم من حبك
او هيألك
ان قلوب الدنيا بحالها
مش هتعوض دقه قلبك
...........
لسه الدنيا فيها كتير
بس حقيقى مافيهاش زيك
ما فيهاش هجرك
مافيهاش غدرك
مافيهاش حبه سم فى كاس
انتى لوحدك
اللى قدرتى
ترسمى سمك بالاحساس

لناس عطشانه
عايزه تكون م العشاق
............وانا مش عاشق
ولا مشتاق
ولا مستنى فى لحظه
لقاء
ولا محتاج لكاس ترياق
انتى حاولتى ترمى شباكك
بس للراجل عارف حجمك

اوعى يكون هيألك عقلك
انى بقيت محروم من حبك
او هيألك
ان قلوب الدنيا بحالها
مش هتعوض دقه قلبك
...........
بصى لحالك
واللى جرالك
انتى بجد صعبتى عليا
لو عشاقك وصلوا لميه
مش هيكونوا 100 واحد
عمرى ما هقبل
انى اكون للافعى ضحيه
او استسلم لحظه لسمك
اوعى يكون هيألك عقلك
انى بقيت محروم من حبك
او هيالك
ان قلوب الدنيا بحالها
مش هتعوض دقه قلبك
................
اوعى تكونى صحيح صدقتى
ان عيونك فعلا تسحر
انتى يدوب سحرتى قلوب
شاربه كاسين نفسها تسكر
لو صدقتى الكذبه بجد
تبقى اكيد مريضه سكر
ولما تفوقى م الغيبوبه
هتزول عنك اوهام سحرك
اوعى يكون هيألك عقلك
انى بقيت محروم من حبك
او هيالك
ان قلوب الدنيا بحالها
مش هتعوض دقه قلبك