غيابك يؤلمني 
***********
إسأل مره عليا 
إسأل 
شوف عملت ايه فيا الدنيا 
بقي هنت عليك للدرجادي 
وتجاهلك ليا بقي عادي 
دا الجرح منك بألف جرح 
ومعاك عمري ماشوفت فرح 
ولا هيا مش فارقه معاك 
تدوس علي قلوب حباك 
دا سؤالك عني عيد 
عاتبني وبلاش تهديد
والبعد مابينا كل يوم بيزيد 
ولا الفراق عندك عاده 
والحب يومين وقهوه ساده 
ياسيدي كفايه جروح 
تعالي وبلاش تروح
وكفايه كدا بزياده 
وتوب بقي عن دي العاده 
وتعالي الإيد في الأيد 
وكفانا حِزن بقي وتنهيد 
دا طول الليل أغير في وساده 
من نزف عيني عليك بزياده
مش عارفه ليه زعلان مني 
دا إنت الضي والنني 
متقول يلا جاوبني 
فهمني وبلاش تتعبني 
وع الصلح ساعدني 
دا القلب تعب ويايا 
وانت ساكن جوايا 
حلم عمري ومنايا 
ياسبب ألمي وأسايا 
سيبك بقي م الأحزان 
وتعالي نهرب لأي مكان
وزمان غير الزمان 
نحس فيه الأمان 
ونعوض العمر إللي كان
إسأل مره عليا 
إسأل 
شوف عملت ايه فيا الدنيا 
ولا تجاهلك بقي عاده
بزياده كدا بزياده
صفاء عبد ربه