حبيبتى تجى من تانى نتفاوض ونتعاهد ..
ونخرج من تانى كاسطوره من رحم نيسان..
زى قصيده عشق من اسمين..
اسمى واسمك ..انت يا جميله العينين...
ونترك جنين الشوق بينا يكبر كل لحظه وكل يوم ..
لحد ما يملى بالورود والحب 100 فدان .
.ولما يتولد ..اسميه هوس حبى ليك ..
تنطق بيه كل الدنيا ..
لما تسمعوا على شفايفى..
فينعكس فورا ضحكه جميله..
تترسم منك على الشفتين..
فانا دمعى توءم حبى ..
ولكنه سيق حبى بليله ويوم..
ما انا لسه منستش با حلوه ..
قبل ما نتقابل انا كنت فين وانت فين ..؟
انت كنت نجمه بتتعايق فى سماء الكون ..
وانا كنت فى نفس اللحظه..
بصرخ زى طفل شريد على امه..
فى سوق مزدحم جدا بالبشر مليان ..
لكن قلوب الناس فيه كانت بلا مشاعر..
عباره عن حجاره من صوان...
وانا كنت ولسه زى ما كنت ..
مصاب انا بداء الشوق والحنين ..
فمن يشفينى يا حلوه غيرحضورك الباهى..
وسلامنا بالكفين..وبالاحضان ..
واياك تقولى نتفارق وادينا اخدنا لنا من الدنيا يومين ..
طاب وكان لزمتها ايه نتقابل من الاول ..
لما فى الاخر راح نتفارق ونتباعد..
ونتقاسم اللى كان بينا يومين..
يوم فرح ..اهديه ليك مع ورده ..
ويوم حزين ..يكون نصيبى انا فيه الجوى والبين..
وليه قدرنا يكتب علينا الفراق فنصرخ من الالم..
ويتمزق منا فى الصدور قلبين..
ويكون يا حبيبتى ما بينا طريق واحد ..
نهايته سد وشوك على الجنبين ..
فاشيلك على كفوفى واعود بيك من تانى..
كحلم مستحيل يتكرر .
.بس متحر اروح بيك انا على فين ..؟
والارض على وسعها ضاقت على الانسان ...
فاكتبلك ترنيمه عشق مسحوره..
يغنيها من بعدنا طفلين..
وفلحظه تتحولى عصفوره ويبلعك الفضا والغيم ..
وانا بكل كل جبروتى ادارى ورا صخره وحيد ..
و فى ايدى قلم من صلب ..
انحت بيه على الصخره صوره قلب.حزين ..
. جواه من اسامينا فقط حرفين ...
يفضلوا على طول الزمان لنا ذكرى..
ونقول للناس والزمان اننا كنا اجمل عاشقين ..
تغريده عشق احمد بيومى
