مجلة سهر اليالي ** صرخة وطن ** بقلم / الشاعر ياسر شرف

انا الوطن وجريح تعبان بأنزف فى دمى انهار ورمال

بيقطعونى فيا الاوصال وتشريح فى جسمى المرضان

كلمة وطن معناها ده امان وحضن بيضم السكان

يجمع يوحد فى كل مكان لغة وثقافة ودين وايمان

دلوقت بغض وحقد كمان وتقسيم اراضى وكله قتال

انا كنت رمز وحصن زمان هجموا عليا فى كل مكان

بأصرخ فى صرخة تهز الكون يعنى انقذونى وبأطلب عون

بأنزف وماشى فيا الروح ليه تقتلونى وعزى يروح

ناصر نادانى بأحلى نداء وبإسم عربى وخير وهناء

كانت ارادة عربية تجمع فى امة عربية

ولما عرفوا الاعداء خافوا ومكروا بكل دهاء

وزرعوا فى جسدى السرطان بإسم عبرى اشكال والوان

واسمه داعش يعنى تتار تحريق وقتل ليل ويا نهار

بيقطعونى بشدة كمان وفى جسمى طعنة فى كل مكان

ونشروه بسرعة وبايد عربان والنهش سارى من الغربان

يعنى دى طعنة من اولادى ويفرحوا فيا الاعادى

تفتيت حدود بالطول والعرض بسم قاتل وهتكوا العرض

وادى العراق خربوها كمان خونة وصهاينة وامريكان

وقسموها مابين سكان شيعة وسنة صليب وهلال

بترول متاحف نهبوها والارض ممكن يخفوها

وفى سوريا برضه شعلوها نيران عشان يحافظوا على الجولان

وفى اليمن جابوا حوثيين وقسموها شمال ويمين

وفى السودان كان العنوان شمال جنوب وحقوق انسان

وفى ليبيا برضه خربوها وثروات كتيرة دول نهبوها

وفتنة دايرة يوم عن يوم والباقى كله عليه الدور

وفى مصر حاولوا بكل دهاء وحماها ربى بفضل دعاء

اتوحدوا ياعرب واحموا الوطن ده من عمق جرحى قلبى انفطر

وهى صرخة واخيرة منكم وفيكم انا فى حيرة

وطن جريح واسمى العربى وكلامى مفهوم بالعربى

نزيف فى دمى كده انهار ودموعى مية ونيل وبحار

بوحدتكم ممكن تنقذونى وبفرقتكم لازم تفقدونى.