بشوف الذكرى
______________

بشوف الذكرى يابحر فيك ** والاقي نفسي بحن ليك

تمللي هواك يأثر فيا ** يخللي قلبي يميل عليك

وافضل اقول في بالي كلام

وافتكر أنا أحلى ايام

واسرح بقلبي مع الاحلام

واصحي الاقي قلبي يناديك

موجك يطلع مني اهات **واعيش معاه احلى اوقات

ويتولد جوايا احساس ** انسى معاه كل اللي فات

انت بالنسبة لي حياه

احلى فرح انا بستناه

راحتي فيك طوق النجاه

وفرحي يتقال فيه حكايات

بتصفى معاك روحي المجروحه ** بمنظر يرسم أجمل لوحه

والافراح معاك تمللي ** والاحزان دي مش مسموحه

بتمنى الوقت معاك يطول

وان خلص يرجع م الاول

انا عنك ماقدر اتحول

فترة عشقي ليك مفتوحه

كلمات : محمد السعيد