مع السلامة
..........
قالت حبيبتي
مع السلامة ..
ودموعها
ع الخدين مطر
أنا قلت
من فين
السلامة ..
وليلنا دا ..
من غير قمر
العتمة كاتمة
الصوت
في قلبي
والذهول أنا
لسة فيه
وبقيت وإيدي
بترتجف ..
محتار أودع
فيها إيه
وأمسح دموعي
أو دموعها ..
ولا دمع حاجات
كتيرة بتبكي
مش قادر عليه
..........
إزاي عرفت
ساعتها أقرب
من عينيها ..
أبوس جبينها
أبوس إيديها ..
كانت بتضحك
والأسي ..
من قلبها
بيبكي عليها
..........
أنامش طبيعى
ولا دا
حكم الوداع ..
بياخدني مني
فجأة شيئ
من ألف شيئ ..
لحظة ضياع
..........
كانت بترسم لي
بدموعها
بحر حزن
وليل جريح ..
وقلب باكي
أكيد دا قلبي
في مركبة
من غير شراع
ماقدرتش
أتصور ساعتها
الصورة
حتوديني فين ..
ماأهى لو
مسافرة
أكيد هترجع ..
حتي لو
حتغيب سنين
لكن النهارده
الرحلة دي
من غير رجوع ..
أولها جرح ..
آخرها حزن ..
عذاب ..دموع
..........
العتمة كاتمة
الصوت
في قلبي ..
والذهول
أنا لسة فيه ..
وبقيت وإيدي
بترتجف ..
محتار أودع
فيها إيه
................
وقالت لي مع السلامة ..معلش ..ماتبكيش ..قلت لها ..ماتقلقيش .. ماأنا كمان مش حغيب عليكى كتير ..مع السلامة ..مع السلامة
محمدعبدالرحيم