افرحى وعيشى دايما بالنشيد
وسمعى م المحيط حتى الخليج
كلمتك انا ابن عاشق غنوتك
وسارى حبك فى الوريد
وبأيدى هرسم ضحكتك
عشقك يابلدى والحنين
بيشدنى افرش جناين فرحتك
انا ابن عاشق خطوتك
بلد الكرامه والبطوله
يوم العبور الناس بتحكى طلعتك
لما النسور جابو الشروق على طرحتك
واتبسمت فرحتك
مصرى وشارب م الحنان ميتك
حامى حماكى يا حببتى وبوعدك
اغزل فرح وامد ايدى واحضنك
مليون سنه
وافرش ورود على طرحتك
===============
بقلم الشاعر/احمد ابراهيم
