اما صحيح عجايب ..

دنيا وبتلف بينا ..

فيها اللى حاضر والى غايب ..

واللى يتعلق بيها يا غلبه..

متعلق بحبل دايب ..

وتلاقى واحد بعيد يحبك ..

والضرب والاذيه تجيلك من القرايب ..

صدق من قال عقارب ..

غريبة الدنيا فعلا مليانه بالعجايب ..

وما تلاقى فيها حد باخلاص يحبك.الا نادر ...

ويبقى يا باختك لو لقيت حد عدل تصاحب ..

الناس بقت تغار من النجاح..

وتكرم اى حد خايب ..

مشكله الناس النهارده ..

فى الغيره والقسوه..

وخناق على الكراسى والمصالح ..

وادينى عايش فيها غريب وحيد بأقاسى..

محروم من الحبايب ....

وعمرى ما فكرت فى يوم اطلب من حد مساعده ..

لانى عارف ان الكل بيعمل موش من البلدى..

او انه مشغول وناسى ..

حتى دم الغلابه بقى رخيص يا اخوانا ..

وبتجاروا بيه علينا ..

ماتقو لي ليه يادنيا اشمعنا احنا بس..

اللى بيحصل كل ده فينا..

يعنى هما الملايكه واحنا ولاد اللذينا ..

احلامنا تضيع فى ثانيه من ابدنا وقدام عنينا ..

راح فين يا اخونا من بينا الضمير..

نضرب على الكفوف بحسره ..

وموش عارفين مصير ..

عموما ادينا عملنا ثوره ..

وانتخبنا رئيس كبير ..

وعشمنا فى بكره احلى...

لانه راجل قدير ..

خلينا ننسى اللي فات ..

ونبدأ من جديد ..

خلينا ولاد النهارده .. ونكون ايد فى ايد ..

تغريده بالعاميه المصريه ..احمد بيومى