أنا راجع
******
أنا راجع تاني
راجع وفارد جناخ الشوق ورا خطوتكٍ
راجع وأنا عارف طريقي وحافظ سكتكٍ
وحالف ما أخلي الحزن يطفي بسمتكٍ
وان الأمل يملاكي حياه
ويسعد ياحياتي دنيتكٍ
أنا راجع
راجع وفارد حناح الشوق بقلب حزين
رامي نفسه في حضن أنين
عمره ماحس مع غيرك يوم الحنين
راجع لأجل ما نحقق الحلم الجميل
وأوعدكٍ من النهارده مفيش بينا مستحيل
راجع لأجل ما نعوض العمر اللي فات
لأجل ما نحيي الأمل اللي مات
أنا راجع .. انا راجع تاني
وكفايه .. كفايه بعاد
صفاء عبد ربه
